स्पर्धेसाठी
कर्तृत्ववान नारी
सावित्री वाट झाली प्रकाशाची
सोसुन वेदना ढाल झाली ज्ञानाची
शतकानूशतकाचा अंधार पेलना-या
ज्योत झाली स्त्रियांच्या शिक्षणाची
जिजाऊ माता झाली दुःखी रयतेची
भरकटलेल्या समाजाला न्याय देण्या
गुरु झाली बाल शिवाजींची
घडविण्या तारणहार स्वराज्याची
खुप लढली रणांगणात इंग्रजांशी
इतिहासाचे पान झाली राणी झाशीची
बाळ पाठीवर हाती खड़गं घेऊन
टाच दिली वारुस दाद तिच्या हिंमतीची
हिरकणी दुधाचे कर्ज चुकवत
बुरुज उतरली आई बाळाची
होऊन गेली तीच माता
हिराकणी स्वराज्याची
अहिल्या ती होळकरांची
पति नंतर योध्दा प्रांताची
हाती पिंड शिवाची घेऊन
घडविले तीर्थ जोतीर्लिंगाची
©सोमनाथ पुरी
वसमत जि. हिंगोली
कोणत्याही टिप्पण्या नाहीत:
टिप्पणी पोस्ट करा