माझे प्रश्न अन माझीच उत्तरे
आभासी जगात शब्दांचीच अत्तरे
सुंगध अभासी दरवळ अभासी
नभा मधला चंद्र अभासी
शब्दामधले फुले अभासी
होळीमधले रंग अभासी
तुझे माझे भेटणे अभासी
जगणे इथले प्रेम अभासी
विश्व अभासातले जगतो आम्ही
रात्रा रात्रा जागतो आम्ही
डोळे लाल अन डोक्यात स्वप्ने
घेऊन फिरतो स्वर्ग आभासी
मधाळ गोडवा चाखतो अभासी
वाहवा त्याची स्तुती अभासी
अभासतच जगतो जीवन
जगतानाही मरण अभासी
उणे हृदय भरले नयन
काठोकाठ तुडुंब अभासी
©सोमनाथ पुरी
कोणत्याही टिप्पण्या नाहीत:
टिप्पणी पोस्ट करा