*स्पर्धेसाठी*
*रंगात रंगू या*
निळे अंबर काळी धरती
फुलांत अनेक रंग वसती
पाऊस सरी गारा वादळ
रंगीत पक्षांचे थवे पुष्कळ
निसर्गात ह्या रंगाची उधळण
माणवा सांगती रंगच तनमन
जीवन सारे रंगमय असावे
जीवन कधीही बेरंग नसावे
म्हणून सणाला रंगपंचमीच्या
रंग उधळावे अंगी प्रत्येकाच्या
रंग प्रेमाचा राधा कृष्णाचा
रंग आनंदाचा प्रत्येक मनाचा
रंगामध्ये नसावा भेद काही
विवीध रंगात एकात्माता वाही
रंग गुलाबी असे प्रेमाचा
नीळा अंबरा एवढ्या मनाचा
रंग पांढरा श्वेत शांततेचा
रंग शेंदरा मनी वैराग्याचा
हिरवी सृष्टी मोरपंखी उत्साह
रंगपंचमीत सोडावा कुत्साह
जीवनामधल्या आनंदाला
रंगात जपावे स्नेह सादाला
खेळूनी रंग होऊया दंग
भिजवूया बेरंगाचे अंग
*©सोमनाथ पुरी*
*वसमत जि. हिंगोली*
कोणत्याही टिप्पण्या नाहीत:
टिप्पणी पोस्ट करा