संस्कृतीनंही थोडसं बदलावं...
अजून किती वर्ष करावा नुसताच शुभेच्छांचा वर्षाव ?
साखळदंड झुगारुन आतातरी स्त्रिनं स्वातंत्र्य जगाव
स्वामी तिन्ही जगाचा असतो मायेविना भिकारी तर
म्हातारपणी त्याच आईला का वृध्दाश्रमात धाडावं
स्त्री नटली सोन्याने मडविली म्हणूनच का होते मूक्त?
तिच्या पंखांनाही आकाशी झेपावण्या बळ मिळावं
का टाकाव्यात शृंखला संस्कृतीच्या स्त्रीच्या पायात?
तिच्या कल्याणासाठी संस्कृतीनही थोडसं बदलावं
पुजन करता ना ? प्रत्येक सनाला स्त्री देवतेचं मग
त्याच देवीवर अत्याचार होताना का मर्दानं बघावं?
©सोमनाथ पुरी
कोणत्याही टिप्पण्या नाहीत:
टिप्पणी पोस्ट करा