फक्त तुझ्यासाठी...
प्रत्येक सकाळ फुलून आल्यावर तुलाच आठवतो
त्याच आठवणींचे ढग दाटल्यावर, दिवस मावळतो
जर सकाळ सायंकाळ तुझीच आठवण करतो
तर तुच सांग आता मी माझा कुठे उरतो ?
केले प्रेम तुझ्यावर, हे घे ! चार चौघात सांगतो
व्यव्हारच जाणतेस तु, तरी तुझीच आठवण करतो
सत्य ना नाकारतो, ना कधी असत्य स्वीकारतो
व्याकूळलेल्या मनामधूनी, तुलाच मी स्मरतो
व्यव्हार मी सोडला कधीचा, मूल्य तत्वांचे जाणतो
करत नसशील प्रेम माझ्यावर, तरीही मी प्रेम करतो
*सोमनाथ पुरी*
दि.२९/०२/२०२०
*स्पर्धेसाठी- निसर्ग माझा सखा*
*पानगळ...*
*वाळलेली पानेही कधी कधी मोहक वाटतात जनू कर्माचे महत्त्व मृत्यूनंतर, माणसाला सांगतात.*
*पानगळ होते झाडांची, म्हणून ते नष्ट होत नसतात,*
*नवीन पालवी येण्यासाठी, स्वतःचे समर्पन करतात*
*चक्र असते निसर्गाचे, एक जातो तर दूसरा येतो,*
*कोणच्याही असण्या नसण्याने निसर्ग थांबत नसतो.*
*बहरतो स्वतःच्या स्वरुपात, पुन्हा नव्याने,*
*आणि पहिल्याहूनही अधिक फुलतो जोमाने.*
*मानसाचे जीवनही असेच अपयशाने न खचता,*
*पुन्हा नव्या जोमाने अंकुरायचे प्रत्येक प्रयत्नातून....!*
*सोमनाथ पुरी*
दि.२९/०२/२०२०
purisomnath555@gmail.com
