गजरा

*****************

*गजरा*

*****************

*आहे तुझा मनी ताजा*

*गजरा आठवणींचा*

*फुल एकेक माळीले*

*दरवळ रोज त्याचा*

*सुख दुःखाचे क्षणही*

*प्रेम धाग्यात गुंफिले*

*माझ्या कवितेत आज*

*तुझे चित्रही रंगले*

*चाफा प्राजक्ताचे येणे*

*झाले सहज अंगणी*

*बाग फुलांचीही आता*

*बहरली ती शब्दांनी*

*दुराव्याचे ही अंतर*

*मोती अक्षरात झाले*

*नसशिल ह्या क्षणाला*

*तुझे बोलणे स्मरले*

*बाग रोज फुलवितो*

*आठवणींच्या फुलांनी*

*सांजवेळी ते पहातो*

*चित्र दुरुन डोळ्यांनी*

******************

*सोमनाथ पुरी*

*वसमत जि. हिंगोली*

*****************