कोरी पाटी
मातीत पेरुन रक्त
सर्वांना करी सशक्त
असा तो बाप सर्वांचा
कुनबी मात्र अशक्त
त्याले नाही हो पेंन्शन
नाही कसले वेतन
खपतो रानात स्वतः
मातीस करी चेतन
माहित नसते त्याला
धर्माचे राजकारण
रिकाम टवळ्यांचे ते
कलगी तुरा भाषण
धडपड करतो तो
रानामधी पिकासाठी
पिक गेले तरी पुन्हा
पेरी सदा जगासाठी
प्रश्न अनेक त्याचेही
सतत असता पाठी
मसनात गेला तरी
कुटुंबाची कोरी पाटी
सोमनाथ पुरी
कोणत्याही टिप्पण्या नाहीत:
टिप्पणी पोस्ट करा