*स्पर्धेसाठी*
*********************
*अनुबंध साहित्य समूह आयोजित*
*अष्टाक्षरी काव्य लेखन स्पर्धा*
*विषय : आद्य महिला शिक्षिका*
*********************
चुल आणि मूल हेच
होते प्राक्तन स्त्रियांचे
पशू पेक्षाही उपेक्षा
सार ते तिच्या जन्मीचे
मुक्त श्वास शिक्षणाने
दिला तो सर्व मुलींना
करू प्रथम वंदन
ज्योतिबांच्या सावित्रींना
रोश समाजाचा घेत
आद्य स्त्री शिक्षिका झाली
स्वतः शिकून स्त्रियांना
ज्ञान गंगा खुली केली
कधी ना डगमगली
कधी ना हार मानली
तिच्या परिश्रमानेच
उंची स्त्रियांनी गाठली
मुक्त झाल्या दिशा दाही
सावित्रीच्या त्या श्रमाने
बळ मिळाले स्त्रियांना
सावित्रीच्या शिक्षणाने
*********************
*- सोमनाथ पुरी*
*वसमत जि. हिंगोली*
*********************
कोणत्याही टिप्पण्या नाहीत:
टिप्पणी पोस्ट करा