****************************
कर्तृत्ववान महिला
****************************
वंदुनिया जिजाऊला
गातो गीत स्त्री वीरांचे
स्थापिन्यास स्वराज्याला
बलिदान शिवबाचे
आधुनिक नारीस ते
ज्ञान ऋण सावित्रीचे
सहनशिलता अंगी
दिले धडे शिक्षणाचे
राणी झाशीची लढली
छाप गो-यांवर तिची
झुंज एकाकी शत्रूस
दिली तिनेही शौर्याची
पति निवर्तल्या मागे
देवी अहिल्येचे धैर्य
सांभाळीले राजपाठ
होते नियतीचे क्रौर्य
ताराबाई शिंदे होत्या
पुरस्कर्त्या समतेच्या
मोह सोडून संसारी
झाल्या कैवारी स्त्रियांच्या
***************************
@Somnath puri
***************************
कोणत्याही टिप्पण्या नाहीत:
टिप्पणी पोस्ट करा