तुझ्या माझ्या भिजण्याने
सुगंधीत व्हावी ओली माती
पावसात चिंब होताना
थेंबा थेंबाचे व्हावेत मोती
सूर जुळून यावेत पक्षाचे
गावी पक्षाने गीतातून प्रीती
पुस्तकात आठवणींच्या
जपून ठेवावी आपली नाती
पाऊस बरसताना असावी
तुझी माझी एकच छत्री
भिजू नये म्हणून आपण
सोडून द्यावी भावना भित्री
तेवढ्यात एक वादळ यावे
उडून जावी आपली छत्री
सुसाट वारा गार जलधारा
झेलीत व्हावी प्रीत खात्री
असे सगळे व्हावे वाटते
स्वप्न कधी तरी बरे वाटते
झोप उडत जाते तेंव्हा
वास्तवाचेही धूके दाटते
- सोमनाथ पुरी
कोणत्याही टिप्पण्या नाहीत:
टिप्पणी पोस्ट करा